台妹Like港男認真又風趣

「識女仔真係好難。」早幾日Happy Hour，有單身的男同事慨嘆。「點會呢？係咪你無主動出擊？」另一年輕女同事答。黛安完全同意，識朋友其實比你想像中容易，尤其在智能科技幫助下。3香港早前引入的台灣人氣交友App《愛情公寓》，推出數月已撮合不少情侶。除了綫上交流，間中亦有些官方活動。早兩日3香港就聯同台灣那邊的《愛情公寓》，請了十個台妹訪港搞單身派對，邂逅一班港男。

身邊的男性朋友不少鍾情台妹，常讚她們人靚兼溫柔；原來台妹亦對港男有正面評價。公關同黛安講，當日出席單身派對、擁有自家時裝網店的台妹Viina就話，覺得港男做事認真之餘，又不失風趣；另外有在瑞士留學的廿歲台妹話本身愛聽廣東歌，所以對港男印象唔錯。

為單身男女牽紅綫

當日大會除了安排十對單身男女High Tea、玩遊戲，並請了人氣網絡繪圖家爵爵及貓叔做嘉賓，幫他們畫合照、牽紅綫，最後有三對情侶配對成功！

黛安見成功率咁高，想幫該名單身的男同事做月老。問公關何時再搞第二波派對，他只笑笑口說留意3香港facebook。

不過講到底，想識人最緊要主動，即便只是在手機say個hi，踏出第一步比任何事都至為關鍵。