95％垃圾來自本地 劉鳴煒籲守護海洋

保育海洋動物及生態刻不容緩！黛安噚日去咗科學園，出席香港海洋公園保育基金主辦嘅第三屆「生態保衞賽」活動，比賽主要讓參賽者代入野生動物處境，體驗喺環境威脅同危機四伏嘅海洋掙扎求存，海洋公園副主席劉鳴煒都有參加！身為生態保衞賽活動大使嘅劉鳴煒已經係第二年參賽，佢話香港有超過95％海上垃圾來自本地，當中60至80％係塑膠垃圾、產品包裝、即棄塑膠餐具等，威脅香港生物多樣性，所以希望同市民一齊守護海洋。

噚日黛安仲遇到生咗3位千金仲好省鏡嘅名人楊張新悅，佢大爆護膚心得，原來佢平時會揀含天然成分嘅護膚磨砂產品，例如用堅果殼、燕麥、糖等代替微膠粒，溫和清潔之餘仲可自然分解，亦都係保護海洋嘅行動，黛安都要多啲留意護膚品成分先得！