《晴報》生日着數 $29換萬用螺絲批

《晴報》三周年活動一浪接一浪，聽聞又有好嘢益讀者！黛安聽《晴報》市場部姊妹講，今次會推出萬用螺絲批套裝，讓讀者以優惠價換購。即日起至八月一日，大家只要在《晴報》剪低印花（編按：印花刊P55），即可在指定19間OK便利店，加29元換購萬用螺絲批套裝一套（原價49元）。

對應30個螺絲頭

男友平日最鍾意砌模型，有時組裝電腦、檢查維修電子產品等，螺絲批是不可或缺的好幫手，但螺絲種類和尺寸五花八門，要買幾多個先夠用呢？這套萬用螺絲批套裝，好處是可對應九款共30個螺絲頭，無論一字、十字、三角形、六角形還是星形，大小螺絲都啱使，方便又實用。套Set仲好細心附有鉗子，方便微細的製作。

別以為萬用螺絲批只適合男士用，黛安識好多女仔都喜歡DIY。反正螺絲批常有機會用到，換番套「看門口」都無壞，加上今次的套裝百變實用，慳番啲位放其他嘢好過。但留意數量有限，換完即止，想換就快啲手啦！詳情可瀏覽www.skypost.hk/mkt/3rdbirthday。

今個月《晴報》生日，個個星期都有新搞作：頭炮換台灣旅遊書，火速被搶購一空；最近在facebook大玩猜迷遊戲送雪糕券，累計逾千人參加；聽講今朝仲會搵靚女派報紙，驚喜不斷。