《晴報》撑理財月 鼓勵學財務知識

《晴報》一向都有唔少關於理財嘅報道，例如新嘅「Smart Feature」專題版，之前就有個報道介紹利市錢理財之道，黛安都學到唔少嘢。最近《晴報》嘅姊妹話佢哋做咗全港首個「理財月」嘅Supporting Media，早兩日仲帶黛安一齊參加理財月嘅啟動禮同教育展，現場有超過廿個遊戲同展覽攤位，針對親子、年輕人、職場人士等唔同需要嘅市民，提供好多實用理財資訊，例如東亞銀行嘅攤位就以互動遊戲教導小朋友金錢嘅觀念，以及點樣分辨唔適當嘅儲蓄和消費習慣。

當日仲見到唔少財金界猛人，例如財經事務及庫務局局長陳家強及投資者教育中心主席黃天祐（Kelvin）等。Kelvin話其實每個人都可以喺個人同社會層面，促進香港整體的財務健康，今次搞理財月，希望透過一系列活動同資源，幫市民學習同增進佢哋嘅財務健康狀況，鼓勵唔同人參與理財教育。為期一個月嘅理財月，之後仲會有一系列理財教育活動，大家記住留意啦！