信和教寫程式 培育小學IT達人

黛安聽講依家嘅IT職位好渴市，而且前景仲好唔錯。想晉身做IT人，就要從小訓練。信和集團舉辦嘅「Go Code程式小先鋒」計劃，今年踏入第3年，主要係向基層家庭兒童提供免費程式編寫課程，由開頭只有20人參加，到依家已增加到超過300人，香港真係人才鼎盛！

唔好睇少呢班小朋友，佢地個個創意無限，製作嘅應用程式包括「大富豪物語」遊戲、「搖搖鬧鐘」及「Banana Bomb」遊戲等。公關姐妹話佢哋都係來自深水埗、油尖旺同新界西區嘅小四至小六基層學生，課程分為先修班、進階班及高階班，可由淺入深咁學習編寫程式，希望過程中可訓練佢哋嘅解難能力，活學活用於日常生活中。2016年度嘅課程就結束啦，今日至本周日會喺奧海城2期舉行畢業展覽，展出由呢班學生編寫既應用程式，向大家證明佢地唔止係「小學雞」咁簡單！