沈祖堯帶學生赴英奏中樂

向來好受學生歡迎嘅中大校長沈祖堯，噚日喺網誌講番農曆新年假期同8位同學訪英，佢哋帶住二胡、洋琴、古箏、笛子、小阮同中阮，去牛津大學、劍橋大學同埋倫敦大英博物館做交流，一眾同學都喺短短4日入面演出5場音樂會，令身為校長嘅祖堯BB都好驕傲同興奮，覺得實現咗創校校長李卓敏博士提出嘅中大使命：「結合傳統與現代，融會中國與西方」。

祖堯BB仲話，依家全球都有保護主義抬頭傾向，香港又正經歷身份認同危機，今次音樂旅程有好特別嘅意義，就係證明文化共融可以衝破政治與利益衝突；又認為音樂同藝術就好似一股清泉，可以洗去爭執同怨恨咁話。