科大畢業生 創智能戒指「隔空傳情」

戴戒指都可「隔空傳情」？科大噚日舉行傳媒春茗，由校長陳繁昌介紹最新發展大計。專注科研同創業嘅科大，每年抽獎大多是學生或畢業生發明作獎品！最吸引黛安嘅，係Origami LABS行政總裁兼創辦人之一黃家恒所研發，全球首個語音無綫通訊裝置（audio wireless communication device）ORii戒指，利用骨傳導技術和語音助理，佩戴戒指嘅手指觸碰耳邊，就可透過震動聽到聲音，毋須觸碰屏幕可使用手機，5月份會推出市面，佢噚日仲親身示範使用，成功「吸睛」！

黃家恒舊年喺科大MBA畢業，同另外6名80後創業。原來ORii背後有感人故事，黃爸爸13歲時因病致完全失明，生活上諸多不便。現時智能手機大多除去實體按鍵，需要按下熒幕操作，視障人士難以操控，於是啟發佢構思，連健視人士都可使用ORii。他曾試製成手鏈、頸鏈等，發現戒指效果最佳，佢獲投資資金共50萬元，阿里巴巴創業者基金都係投資者之一。ORii零售價為149美元，折扣後為99美元，黛安十分期待！