恒隆陳文博夥義工 陪基層玩Art Jam

一個企業有無良心，睇下佢哋平時對社會付出幾多就知啦。恒隆地產嘅義工隊，舊年就喺中港做咗過百項義務工作，總服務時間長達1.4萬小時，由幫基層學生補數學，到教老友記玩咖啡拉花都有，夠晒威威。而且唔單止前綫員工有參與，高層都身體力行㗎！

好似陪過基層兒童一齊玩Art Jam的恒隆執行董事陳文博就話，公司的物業同社區緊密聯繫，希望多元化的義工工作可以營造更好的環境，仲話出年想做多啲義工。

恒隆獨立非執行董事馮婉眉都話，舊年做埋導賞員，義務同學生游走港九新界了解本地建築特色，大讚︰「義工隊的活動十分有創意同心思。」