愉景灣歎燭光晚餐 包摩天輪度情人節

元宵、情人節話咁快就嚟，想搵個青山綠水美如畫的地方開開心心過節，真係唔容易。黛安最近就睇中山明水秀的愉景灣，點解？貪嗰度有靚景啱晒靚人打卡啦﹗嚟緊D'Deck海濱長廊仲會用心形拱門起個「心之隧道」，真係見到都變心心眼；影完相再去愉景灣心鎖長廊度，同最愛一齊將愛的承諾鎖係長廊上，就打風都打唔甩啦。

想再浪漫啲？D'Deck及愉景北商場喺本周六、日（11、12日）同情人節當日會有管弦樂四重奏演奏，啱晒聽住食燭光晚餐。之後仲可去大白灣沙灘點起千點心形燭光，在眾人見證下長相廝守。

公關姐妹教路參加「情約二月」網上遊戲活動，獎品包括坐歐洲古典帆船在海上暢遊扮小魚仙，總值$12萬㗎！

但如自問唔夠浪漫，就要交畀專家幫手締造完美情人節啦。HelloToby平台就喺情人節期間推出代寫情書，特色約會安排等服務，仲可請人幫手訓練歌喉，唱出自己的「情深深，雨濛濛」。

專人代寫情書 冧伴侶

若唔小心在佳節前激到伴侶嬲嬲，一樣無有怕，可以請箍煲專家幫手氹番。單身朋友仲可搵專家教路點樣改善喺社交軟件平台上的個人形象，想識番個意中人一樣easy。

黛安仲收到風元宵節至情人節，香港摩天輪會有升級優惠，畀$300或$500就可坐到2至3人或4至8人包廂㗎啦！