$488食住玩Candy Crush

黛安常跟姊妹們說工作多忙，都要抽空歎個下午茶、睇下書，休息夠才能繼續衝刺。就算是玩手機遊戲，我都覺得是輕鬆好辦法，如果可以兩者結合就更好。前兩日收到好友send來照片，Candy Crush都變成食得落口！

望住靚景High Tea

原來是帝京酒店獅子樓（LION ROCK）與網絡遊戲公司King首度合作，將Candy Crush的糖果角色，變成一系列可愛下午茶甜點，食住玩，sweet到爆。這個「Candy Crush！甜蜜大冒險下午茶」一位250元，兩位則是488元，每位仲有一杯特飲，睇相都覺得吸引！除了特別設計的甜點，地點也很重要，獅子樓出名是環境，看着落地玻璃欣賞風景，再慢慢High Tea，諗起都覺得relax！

講番下午茶組合，廚師看來都是Candy Crush愛好者，遊戲中大家最想見到的朱古力炸彈、最唔想遇到的朱古力Block等都有。黛安覺得，神秘蛋最有趣，玩遊戲時敲破神秘蛋有時是過關獎賞，有時是陷阱，但High Tea時看到就有驚喜，皆因朱古力蛋芯是新鮮呂宋芒果粒加芒果慕絲，聽到都想試？預訂可電話2622 6167，聽講3月21至31日限量試行，姊妹們想試就要打去book喇。