$20換麥記經典美食積木 潮唱蔣志光《相逢何必曾Big Mac》

聽蔣志光「認真腔」唱出，「要去醫肚McDonald's，相逢何必曾Big Mac，你請高舉雙臂咬落嚟，人人食過大笑大讚勁笑勁讚力撑好味」，這首改編自《相逢何必曾相識》廣告歌《相逢何必曾Big Mac》，真係好好笑。他1989年曾為麥當勞Rap過經典廣告，今次改編歌自然無難度，噚日麥當勞搵埋歌手糖妹同蔣志光合唱《相逢何必曾Big Mac》，觀眾都好開心！

合唱完，蔣志光、糖妹仲同現場觀眾玩遊戲，大鬥用七種豐富材料砌Big Mac，更即興「挑機」要最快速度完成經典急口令「雙層牛肉巨無霸，醬汁洋蔥夾青瓜，芝士生菜加芝麻，人人食過笑哈哈」，蔣志光笑言自己「寶刀未老」！勝出現場觀眾仲獲得香港市場策劃部高級總監鄧綺媛親自頒「McDonald’s Food Icons x nanoblock型格套裝」，睇到獎品，忍不住問幾時推出？

明天起換購

聽公關講，買任何食品加20元，可換購五款經典美食nanoblock其中一款；嗌24小時麥麥送滿70元，可以加198元換晒成套特別版麥當勞餐廳造型限量版Box Set，要留意網上訂餐服務不適用。此外McCafé亦有特別版nanoblock，儲齊一套就要幫趁埋McCafé，明天要準備好換購喇！