沙田馬場新Cafe 主打西亞風情 VR吸客

嚟到沙田馬場除咗睇賽馬，都要搵個好地方去消遣一下，以賽馬為主題嘅Cafe「JUMP」喺尋日正式開幕喇！

Cafe位於第二座看台二樓，有250個座位，第一日更獲各方好友嘉賓出席支持！以西亞風輕食為主嘅JUMP，原來名字有獨特含義，代表Joy、Up-to-date、Menu和Play嘅意思，希望客人可邊享受美食、邊睇賽事，仲可以用VR方式一試賽馬感覺。戴上VR鏡，再坐上模擬賽馬嘅Seat位，就可以進行賽馬對戰遊戲。

餐飲事務經理任錦明仲話，JUMP Cafe嘅餐牌每月都會更新一次，餐湯、主菜同甜品各有3款選擇，聽講柚子奶凍更係Cafe大廚大師之作，滑滑嘅奶凍配上清香柚子醬，啱晒鍾意食甜品又怕膩嘅我呀！

黛安尋日亦有幸品嘗一下維他奶紅豆冰，睇外形都夠晒霸氣啦。