隨一帶一路 拓東南亞業務 中銀香港文萊開分行

前日去中銀分行辦理一啲手續，見有位行動不便嘅老伯伯排隊，說話有啲口齒不清，中銀職員好細心查問佢嘅需要，最後雖然只係簡單打簿同攞幾百蚊現金，職員都好有耐性幫佢處理，所謂見微知著，證明佢哋嘅服務認真唔錯，所以黛安最近都喺中銀香港開埋個投資戶口。

明年服務香港百周年

其實當年中銀香港上市，黛安都有買佢嘅股票，成績跑贏大市，仲年年派息，作為小股東當然開心啦。最近銀行業績更上一層樓，喺中銀香港副董事長、執行董事兼總裁岳毅帶領下，把握一帶一路嘅發展機遇，將中銀香港由一間本地銀行蛻變為區域性銀行，積極開拓東南亞業務，先後收購中銀泰國及馬來西亞嘅股權，昨日仲去到文萊開分行，係第一家進駐文萊嘅中國金融機構，認真犀利！實現東盟十國網絡全覆蓋，文萊位於東盟地區嘅中心，相信未來會喺一帶一路嘅策略下會有更佳發展。黛安當然都希望中銀能夠代表香港，打出亞洲啦！

明年仲係中國銀行喺香港服務100周年，黛安知道中銀香港下年輪任香港銀行公會主席，對中銀嚟講可謂別具意義。

為咗迎接咁特別嘅一年，佢哋將舉行「中銀香港2017香港除夕倒數」攝影及短片比賽，鼓勵市民用鏡頭捕捉除夕煙花嘅璀璨時刻，冠軍可獲10,000蚊中銀信用卡免找數簽帳額，獎品非常吸引！大家快啲去www.bochk.com下載表格參加啦！