昂坪360葉問體驗館 奪兩市場大獎

大家去過昂坪360嘅「葉問體驗館」未？最近黛安收到昂坪360公司事務總管劉淑儀（Vicky）報喜，佢哋憑葉問體驗館呢個項目，奪得《Marketing Magazine》頒發2016年度市場營銷大獎「最佳展覽活動」銅獎，及公共關係大獎「最有成效的公關項目」銅獎！能夠獲得肯定，Vicky當然開心啦，佢話希望每年都能推出新項目，為賓客帶來難忘體驗。

如果大家未去過葉問體驗館，真係要去睇下，入面除咗展出電影《葉問3》嘅精選場景、演員戲服等，更係全球第一個活動引進當時尚未普及嘅AR技術，將1比1嘅電影主角帶到現場，好似置身電影世界咁。之前昂坪360贊助咗200個學生搭纜車及參觀，仲同「葉師傅」學詠春；又將部分收益捐畀小童群益會，令弱勢都有機會接觸呢個咁有趣嘅項目。