少女義賣利市封 關注罕有病

派得利巿，都係想祝人新一年稱心如意。如果買利巿封都幫到人，豈不更妙？黛安就收到風，香港結節性硬化症（TSC）協會通過「星夢童謠計劃」，今年幫19歲患者林卓瑤（瑤瑤）出咗一批利巿封義賣，一套有8款，只係$80就可以幫到協會提供支援同促進治療服務。

講番瑤瑤，佢雖然自細患上TSC呢種罕見基因變異病，腦內有腫瘤致成日抽搐，手術後智力同自理能力都受損，但佢一直無放棄過畫畫嗜好，舊年仲贏過聯合國第9屆「世界關顧自閉日」郵票圖案設計比賽一等獎，相當叻女！今次呢批利巿封，就揀咗好多佢平常生活接觸到嘅趣致動植物做圖案，夠晒貼地同可愛。想買可以聯絡9202 9090（阮女士），或者喺全港5間華星冰室都有得買㗎。