青衣城摩天輪下 AR照相館留影

新年就快到，商場節目一籮！黛安就知道青衣城將「夢幻島大堂」變身做「新春園遊會」賀年，即日起至下月14日，會裝置咗6米高開運摩天輪、福杯滿溢咖啡杯，配搭各個中式傳統遊戲攤位，同近期大熱嘅AR體感互動照相館畀姊妹免費留倩影！

其實除咗青衣城，德福廣場及將軍澳PopCorn都有AR體感互動照相館，前者以兩米高的「運財大金雞」作招徠，而PopCorn則主打彩燈，大家去呢兩度影相亦得。另外，推廣期間喺上述商場指定商舖消費滿800蚊，仲可以換領精美「衣食豐屋」利市封㗎！