搓黏土400個鐘 炮製「聖誕蛋糕」

覺得相入面嘅蛋糕好靚、好想食？咪咁衝動，因為佢係用黏土整㗎！近年紅遍國際藝壇，獲大牌子如Adidas、可口可樂、tac tic、Vogue約賞識嘅巴黎黏土藝術家Alexandra Bruel，近日旋風式訪港，為圓方（Element）主題布置「狐狸先生冇得頂」，創造一系列令人流晒口水嘅糕點，包括不斷噴射流動嘅朱古力噴泉、3層朱古力聖誕蛋糕、滿布星形圖案嘅蘋果等充滿聖誕氣氛嘅食物，非常精美。

據講Alexandra為咗「炮製」今次展出嘅藝術食物，足足花咗400個鐘頭搓黏土，搞到肩頭到手臂都好痠痛！佢話最難係將3種唔同嘅黏土mix and match，所以要軟硬兼施喎！