最傑出市場策劃人 宏利劉錦珠奪得

上星期出席咗市場推廣界「奧斯卡」的「HKMA/TVB傑出市場策劃獎」，今年已經係第31屆，主要表揚傑出嘅市場推廣campaigns及marketers，最新得獎名單出咗喇！今年攞到市場策劃金獎嘅係香港移動通訊「csl大網絡大時代」，至於銀獎及銅獎分別由宏利人壽保險「ManulifeMOVE」及太興「My Hero II」獲得。

至於個人獎項最高殊榮「最傑出市場策劃人」，就由宏利人壽保險（國際）首席客戶總監劉錦珠（Isabella）奪得。Isabella話覺得好榮幸，「唔單止係對從事市場推廣行業的人給予認同，亦係對宏利作出嘉許」。佢仲多謝宏利人壽保險管理層、工作團隊和合作夥伴的支持呀！而富衛人壽保險（百慕達）市務部助理副總裁成國達等5位marketers則獲頒「傑出市場策劃人」獎。恭喜晒各位得獎者呢！