Asia Miles送100萬里數 3招教你競逐獎項

贏取100萬里數再不是夢！亞洲萬里通（Asia Miles）今年首次分別送出100萬里數，會員即日至12月19日只要喺消費、飲食、旅遊同購物四大範疇積極賺Miles，成為呢四個項目中消費及賺取最多Miles的「王者」，即可贏得100萬Miles獎賞！

聯營卡簽帳更着數

咁要成為上述「4大主題之王」有咩秘訣或者捷徑呢？Asia Miles的Quinny醒咗3招畀黛安：首先，記住幫襯Asia Miles嘅「夥伴商戶」，埋單時出示會員卡已可賺取第一重里數，其次係用Asia Miles或國泰航空聯營卡簽帳，就可再賺第二重里數；第三，於香港、澳門及中國夥伴的餐廳消費滿2,500元，每1元就可享1里數，食得愈多，分分鐘成為飲食界別入面No.1，贏得100萬里𠻹呀！黛安記得類似的招數，Asia Miles CEO黃思遠（Stephen）之前都略略教過我，果然做得Asia Miles的同事，都係里數達人，佩服！

Quinny仲同黛安講，做唔到No. 1都唔緊要，做四個主題入面的Top 10，亦可獲得10萬里數，名額總共有40個咁多！仲有，好快就過聖誕，係時候揀定禮物送畀親朋，時裝、電子產品、食品等任君選擇，賺里數機會多的是，想免費起飛去旅行，話咁易啦！就算唔換機票，平日多啲留意Asia Miles個網，換下演唱會飛或其他禮物都得㗎。