3HK萬聖節上台有着數 出示黑色物品 3個月免費

一講到萬聖節，都係諗到同「魂魂好友」出街玩，邊會估到原來連上台都「鬼咁着數」。3HK近期推出咗個搞鬼新優惠，即日去到萬聖節正日，只要係想用4G「智升級」入門SIM月費計劃，或指定4G LTE SIM月費計劃，只要上台時拎3件黑色物件出嚟，就即可享「666優惠」。諗落應節一下，扮貞子上台就最無難度啦，黑眼睛、黑頭髮仲有黑色錄影帶嘛！

講咗咁耐，個優惠係點？以$138月費的4G「智升級」為例，簽24個月約，第6、12同第18個月都可以$0月費，真係抵到得人驚﹗公關姐妹仲話，10月上台仲可以加入夜鬼優惠，用半價喺夜晚11點至第二朝7點無限上網，最平只係需要$20咋﹗啱晒夜鬼晚晚瘋狂打卡，又可以check實有乜好去處狂歡，實行做今個萬聖節「最鬼醒目」嗰個啦。