麥當勞孖輕鬆小熊 萌爆迎新年

剛出完「開心$10 prise」優惠的麥當勞又有surprise畀大家！麥當勞噚日宣布將推出一系列萌爆Rilakkuma（輕鬆小熊）同一班好友公仔，送上賀年窩心祝福，仲有招財福堡系列、多款新春限定特色美食！

本周四（12日）起，凡惠顧任何食品加30元，即可換購Rilakkuma輕鬆小熊齊齊祝福公仔一隻。如果想儲齊咁多隻祝福公仔，加238元就可換齊Rilakkuma輕鬆小熊齊齊祝福套裝，包括特別版「小雞暖手Cushion」、「招財進寶」、「熊噹噹」、「桔星高照」同「大雞大利」四款公仔，仲有加碼Rilakkuma主題的麥當勞10元美食券五張！絕對係粉絲們必搶之選！

賀年美食，分別係黃金脆薯牛堡、黃金脆薯雞堡，金黃色的脆薯餅等等，口感一流！另外，凡選購任何招財福堡超值套餐，即可獲一套四款輕鬆小熊利市封；於「麥麥送」消費滿100元或以上，更可免費獲輕鬆小熊麥麥送特別版利市封。