麥當勞今推nanoblock 傳訊一姐最愛滑嘟嘟

提起麥當勞，你會諗起邊款經典食物呢？黛安第一時間浮喺腦海嘅就係Big Mac。噚日同麥當勞傳訊部一姐林婉梅（Wendy）閒談，原來今日開始麥當勞再次推出26蚊Big Mac，以及足足有四塊牛肉、只係賣32蚊嘅Mega Mac脆薯皇超值套餐，仲有全新嘅凍鮮檸檬可樂或雪碧，聽到都流晒口水喇！

珍藏版Box Set售$198

Wendy話佢都好鍾意食Big Mac，曾經一次過食Big Mac套餐、魚柳包同雪糕新地，真係大滿足呀！

一場嚟到麥當勞，點止品嘗Big Mac咁簡單，Wendy更誠意推介，今日新登場McDonald's x nanoblock Ronald & Friends系列，漢堡神偷、小飛飛、麥當勞叔叔、滑嘟嘟、巨無霸警長會以nanoblock至潮造型亮相，惠顧任何食物加20蚊就可拎一隻返屋企。Wendy仲偷偷爆料話，佢自己好鍾情紫色，所以一身紫色又可愛嘅滑嘟嘟，就係佢至愛。

如果覺得5隻nanoblock唔夠喉，可以加198蚊帶走珍藏版Box Set，入面有兩款薯條脆卜卜擺設、上述5款經典公仔擺設，同埋5張麥當勞10蚊美食券，有得食又有得玩，快啲落街買啦！