必試！韓國handmade月餅直送到港

中式月餅食得多，好多人都鍾意試新嘢，大家知唔知，韓國月餅都有好多選擇𠻹，賣相好精緻，令人感覺唔捨得食。韓迷們試過未呢？炑八韓烤今年推出炑八韓國月餅，1盒8款、16件，包括黑芝麻月餅、栗子月餅等，全部喺韓國人手製作，直接空運嚟香港。聽講，全綫炑八韓烤分店都有得買月餅券，Storellet炑八韓烤會員8月20日前，仲有會員價$158，查詢可以打去2456 0738。

韓式試完，想試日式又點？來自京都嘅抹茶老店中村藤吉，首次推出香港限定月餅，3款月餅禮盒分別有2個裝同8個裝、同埋6個裝配中村茶茶包嘅茗茶禮盒。品牌fb專頁仲公布，2個裝預售好受歡迎已經賣晒，8月24日再有小量現貨，綠茶迷要注意啦！