星級名廚：漢堡可以「走扒」 麥當勞打造手撕雞堡

手撕雞可以點食法？喺星級名廚Gabriel Choy（蔡家富）手中，就變出一個全新美式手撕雞堡。今次麥當勞研發團隊再發功，搵埋Gabriel合作，務求研發一個食材組合、味道、口感同包裝都有突破嘅麥當勞Chef's Choice漢堡。

Gabriel嘅廚藝絕對有保證，事關佢曾經勝出英國地獄廚神Gordon Ramsay舉辦嘅大賽冠軍，除咗係第一位亞洲人贏咗比賽，佢仲有機會去地獄廚神嘅餐廳做廚師。呢位星級名廚本身仲係食品科學及營養學碩士，自然對食材好講究，令人估唔到嘅係佢竟然話「Burger唔一定要有patty（漢堡扒）」，漢堡「走」扒咪好似檸茶「走」檸檬咁，無咗個靈魂囉？心諗得唔得㗎？

在港帶起歐美潮流

為咗令顧客覺得有surprise，Gabriel反覆嘗試唔同組合，卒之創作出手撕雞堡。佢話歐美國家近年開始興起用手撕肉整漢堡，但香港就好少見，今次想透過麥當勞等本地食客都可一嘗滋味，帶起熱潮。

手撕雞堡每絲幼嫩手撕雞有惹味烤雞風味醬，上層係原個香脆炸洋蔥圈同蛋黃醬，下層就係混合香蒜蛋黃醬嘅菜絲，加埋半溶車打芝士，真係諗到都覺得餓。