文化中心結冰！變身天鵝湖

文化中心咁多年來搞過好多大Show，不過搞Show搞到冰封會場，今次係第一次。咁大陣仗，無非想配合Lunchbox Theatrical Productions《冰上皇族天鵝湖》嘅演出。其實呢個製作單位幾年前嚟過香港，當時選址演藝學院，精湛嘅花式溜冰技術，將天鵝湖呢套經典劇目昇華到另一層次。

今次佢哋再踏足香港，來到文化中心，工作人員嚴陣以待。據講為搭建呢個冰上舞台，一共用咗四噸碎冰，花咗36個鐘頭預備；為免冰塊融化，冰底鋪咗冷水機管，時刻監控室內溫度。

部劇已經公演咗一個星期，今日至星期日（8日）仲有幾場，黛安已經幫你check咗仲有飛賣。如果母親節未有安排，帶媽咪去睇都係唔錯嘅選擇喔。