官方全球首推 櫻桃小丸子手機game

小丸子有新意！Animoca Brand同日本動畫公司合作，趁人氣動漫《櫻桃小丸子》30周年，推全新手機遊戲《櫻桃小丸子夢幻舞台》。見到小丸子同咁多個熟悉面孔，即刻想下載，聽講今次係全球首個官方手機遊戲，iOS同Android用戶都有得玩。遊戲入面，玩家要將寶珠串埋一齊，幫助小丸子實現成為電視明星嘅夢想，而大家玩遊戲時記得開番背景音樂同聲效，因為個game用咗動畫系列特色音效，有香港、日本同台灣版動畫小丸子配音員配音㗎！