領展泊食易App 增泊車轉乘港鐵優惠

收到公關姊妹分享，品牌「泊食易」手機App有新function！領展搵咗六大集團合作，包括騰訊國際業務部、和記環球電訊、港鐵、必勝客、美心同稻香，新增泊車轉乘港鐵優惠、多間食肆遙距取票輪候入座、「iPick」飲食指南、去領展旗下指定商場每日一小時免費無綫上網！

領展CEO王國龍話，泊食易手機App舊年十月試用至今，好受用家歡迎，今次有各大合作夥伴支持，功能推展到領展約170個停車場、150個商場及80個鮮活街市，係本港同類手機App入面商戶資訊最多。

姊妹仲話，領展第一次推出泊車轉乘港鐵優惠，下個月起，下載泊食易App，去領展6個鄰近港鐵站商場，包括樂富廣場、黃大仙中心、啟田商場、愉翠商場、天盛商場及朗屏商場嘅停車場泊車後轉乘港鐵，就有免費泊車優惠，最多可獲贈免費7小時。新增功能仲有好多未數晒，想知多啲就快啲下載泊食易啦！