吉野家一周火鍋放題 今日開始不限時段

吉野家慶祝25周年，年初開始推出Shabu Shabu火鍋放題，上半年已經喺8間分店先後推出任食任飲放題，之前每次分享個個都讚，好多人問「幾時到我附近間分店呀？」

品牌都感受到大家有幾鍾意打邊爐，今個星期再度出擊，今日起至下星期三，銅鑼灣京都廣場地庫、樂富廣場同荃灣荃發大廈分店，都會有火鍋放題！

公關姊妹仲話，收到大家嘅意見，今次放題時間唔使限定幾點開始，總之下午5點起到晚上11點半，隨時坐低就有食！睇睇今次推廣，吉野家王牌特切火鍋牛肉、鮮嫩雞腿肉同丹麥直送優質豚肉都係無限量供應；另外仲有得任食芝士竹輪等超過30款追加配料，同埋任飲6款飲品。姊妹仲話，放題期間每日限定10客極上澳洲和牛，可以揀4片$48，或者8片$88。係咪聽到都心動呢！