Sanrio派對 珍藏版八達通$138

之前同大家提過，Sanrio同粉絲的一期一會派對，今年以巨型立體棋盤做主題，七位卡通人物變身遊戲大師，闖關成功就可以贏禮物！Sanrio Game Master今日正式開幕，黛安噚日率先入去行咗一圈，有遊戲玩之餘，每一個角落都有「影相位」，啱晒粉絲心意，真係抵讚！

黛安仲知道，會場有不同主題精品，其中八達通推出限量「Sanrio Game Master珍藏版八達通」，有成人同小童版，兩款都以Hello Kitty遊戲大師做主題，分別發行5,500及2,500張，每張都印有發卡編號。記得Hello Kitty生日好似係11月1日，唔知編號0111會唔會特別搶手呢？