馬時亨榮升外公

收到願望成真基金主席劉仲恒醫生夫婦報喜，「願望成真、喜獲麟兒」，劉仲恒太太、馬時亨愛女劉馬露明，噚日凌晨喺山頂明德國際醫院順產誕下愛兒，重6磅5安士，母子平安。聽講劉醫生全程喺產房陪伴愛妻，仲親手剪臍帶，非常感動咁話。

一家人迎接新生命來臨，心情非常雀躍，榮升外公、身處華沙出席新絲路論壇嘅馬時亨就話「感到萬分興奮」，仲計劃盡早返香港探望孫仔。

願望成真基金致力為患重病兒童實現願望，身為主席嘅劉仲恒同太太都好鍾意小朋友，劉醫生透露，仔仔取名為劉智恒，英文名Christian，「係兩公婆一齊改嘅」，仲話「希望仔仔成為愛主的人、有神的智慧和有恆心」。佢哋仲話，明白健康快樂並非必然，希望兒子有好品格，學會感恩，健康快樂地成長。

劉醫生又話，好感謝外父外母喺太太懷孕期間為佢打氣，又陪太太產檢，仲好多親友祝福！