AIA健康App 一周行37500步 請你飲Starbucks

噚日見到友邦（AIA）香港及澳門首席執行官陳榮聲（Jacky），睇上去容光煥發，傾傾下至知佢呢排做多咗運動——每日行7,500步。原來AIA Vitality健康程式推出每周挑戰，Jacky趁App未正式出街，做咗首批測試者，笑說親身示範7,500步一啲都唔難，「等人時行多兩步，喺office又可以行下，好快就做到。」

品牌「AIA Vitality健康程式」推出唔夠1年，會員累積行咗120億步，等於環繞地球240個圈；用積分換取嘅免費UA院綫電影戲飛都超過2.5萬張。Jacky話，程式成功推廣品牌重視會員健康嘅信息、帶領大家投入健康生活之餘、客戶健康咗仲有戲飛同萬寧現金券等獎賞，認真係三贏！

趁住今年係AIA香港成立85周年，品牌又有新搞作，推出價值超過$2,100萬嘅健康獎賞活動。即日起，全港澳AIA個人人壽保單客戶都可以免費試玩，玩法就係先下載「AIA Vitality健康程式——每周挑戰」，每日步行7,500步，就賺到50分；1星期有5日夾埋就有共250積分，儲夠即刻換到Starbucks飲品一杯。今個星期開始到10月底，一共有12個星期，連續挑戰成功，每人就有12杯免費Starbucks啦！