日本限定零食 預告Calbee Plus攻港

四洲集團引入日本著名零食品牌Calbee Plus，帶品牌衝出日本，嚟香港開首間海外店，呢幾日facebook新店消息洗晒版，為食嘅黛安睇相已經覺得期待，收到公關好友送出邀請卡，心情更加非常興奮！隨卡附送特大包裝薯片一包，黛安係office一拎出嚟，個個都嘩嘩聲，有同事仲問，唔知試下一個人食晒係咩感覺呢？

如果無記錯，薯片同薯條都係日本限定零食，黛安以前去旅行成日買返嚟做手信㗎！聽公關講，零食店除咗日本限定零食，仲有「香港獨家限定」避風塘香辣味薯片，諗起都流口水。品牌呢間海外第一店，下星期一開幕，公關話晚上6點正式營業，黛安到再同大家分享新店特點同開幕優惠！