永安旅遊奪3大旅遊獎

收到姊妹訊息，永安旅遊連連獲獎，認真可喜可賀。黛安收到風，永安董事兼行政總裁梁港蘭（Lanny）前排「密密飛」，原來係代表公司去馬來西亞及台灣領取旅遊獎項。包括第19屆Malaysia Tourism Awards 2014/2015，永安係港澳地區唯一一間獲馬來西亞旅遊及文化部頒發「Best Foreign Tour Operation（East Asia HK）」大獎嘅旅行社，好威水！呢個獎表揚永安推廣馬來西亞旅遊，好似黛安都分享過永安同國際名廚甄文達合辦美食之旅等。

此外，Lanny仲喺台灣行政院交通部部長陳建宇手中接過，「台灣觀光貢獻」同「個人貢獻」大獎𠻹！據講，梁港蘭係今屆港澳地區唯一獲得呢項旅遊殊榮嘅業界人士，全靠佢多年來積極策劃及推動台灣旅遊發展，帶領公司推出不同主題旅行團根似溫泉享受、民宿體驗同環島遊等。