麥記脆脆珍寶黑椒漢堡

用香辣脆片、白芝士同車打芝士夾住四塊牛肉，惹味黑椒醬刺激味蕾之餘，脆片咬落卜卜脆，口感應該好唔同。唔知邊個可以一啖咬晒咁多層嘅脆脆珍寶黑椒漢堡，黛安一睇到相已經好期待，聽講今日有得食啦！

咁有分量嘅漢堡，梗係配番個同樣咁有分量嘅主角——為食功夫熊貓阿寶！收到麥當勞消息，電影《功夫熊貓3》下個月17號上畫，趁住阿寶「強勢回歸」，當然捉住呢個好機會，推出刺激口味——脆脆黑椒漢堡同脆脆珍寶黑椒漢堡。

除咗有好嘢食，麥當勞仲準備咗全新「反正有熊貓」餐碟套裝，一套兩款瓷碟，正反兩面都印咗功夫熊貓同佢班老友嘅Q版造型，超級得意呀！餐碟套裝仲有3張麥當勞10蚊美食券。下個月3號起買任何食物，加100蚊就換到1套，留意每次最多買3套咋！