領展搵盧覓雪阮兆祥 「孖住」做宣傳

收到姊妹訊息，領展手機App「泊食易」開始新一輪宣傳，搵藝人盧覓雪同阮兆祥「孖公仔」拍短片，聽講佢哋分別演繹用App同無用App，遭遇大不同。想睇廣告，就要睇留意領展YouTube Channel。

講開又講，領展團隊真係好落力，黛安不時收到update，好似噚日，期待好耐嘅Wi-Fi服務正式推出！領展CEO王國龍（George）話，「泊食易推出後好受歡迎，睇得出善用電子科技，有助提升商場購物體驗。」所以旗下商場新增多項相關服務，除咗114個商場陸續推出免費Wi-Fi上網，仲有電子輪候票、電子優惠券，同埋特定信用卡付款獲泊車優惠等，貫徹「連繫好生活」呢個理念。

多個商場安裝Wi-Fi工程，供應商係邊個呢？姊妹終於開估，係和記電訊！和電營運總裁陳婉真（Jennifer）話，「Wi-Fi工程分階段進行，預期赤柱廣場、樂富廣場、黃大仙中心、H.A.N.D.S及現崇山商場四月初起有穩定快速無綫上網，全部工程預計2017年中完成。」