領展王國龍 赴經濟論壇「變身記者」

上周冷鋒殺到香港凍冰冰，睇到領展CEO王國龍（George，圖）嘅相，佢身處嘅地方先算冰天雪地。原來George去咗滑雪勝地克洛斯特斯，不過佢唔係去度假，而係出席世界經濟論壇。

呢位CEO唔話得，身在海外仍然不時將第一手資訊同同事分享，好似變身前綫記者！黛安聽講，George喺會場同歐美知名購物商場Westfield行政總裁Peter Lowry排排坐，傾得份外投契，互相分享面對電子商貿的策略。除咗了解行情，George仲分享，國際影星里安納度透過私人成立慈善基金，買下印尼蘇門答臘一大片森林，防止當地商人大量砍伐森林；連世界經濟論壇都特別嘉許佢對抗衡全球氣候暖化問題嘅貢獻。