海報暗藏文字 打閃光燈先睇到

最近加拿大多倫多有唔少學校入面都貼上一張印上七色彩虹海報，上面剩係寫住Lesbian（女同性戀者）、Gay（男同性戀者）、Bisexual（雙性戀者）等不同性取向人士嘅名詞，呢張海報想表達啲乜？

原來海報由特殊打印物料製成，要用手機打閃光燈影相，先會睇到暗藏海報中嘅文字：Friend（朋友）、Partner（拍檔）、Buddy（夥伴）等，目的係向學生傳遞正面信息，就算大家性向不同，亦應彼此接納和尊重。

海報由組織LGBTQ請廣告公司JWT製作，希望喺紙媒增加互動元素，吸引學生留意，停低影張相，將信息傳播開去。