屈臣氏旗艦店 一站式轉新Look

近期不少明星轉新look，帶起一陣短髮潮，出席活動的屈臣氏總經理張慧屏（Diane）都換新髮型，看來工作雖忙，Diane一啲都無偷懶。記得Diane講過，屈臣氏投放不少資源研發自家品牌，Skin Advance、Water 360等系列次次登場都大受歡迎，短短數月又收到公關團隊好消息，Collagen by Watsons有新產品。

淡水藻喻產品功效

品牌再次搵香香公主岑麗香做代言，香香一身美人魚Look，宣傳系列兩個重要成分，3重膠原蛋白同復活草。Diane同香香仲喺思平道旗艦店齊齊做小手作，將海草、沙石同淡水藻Marimo放入玻璃樽，自製靚靚玻璃小「盆景」；原來品牌是用Marimo表達極緻賦活系列肌膚活水的功效。

講起旗艦店，屈臣氏早前結合其中五個獨家品牌舉辦體驗日，美肌有anumi、美髮有BaByliss Paris、美容有FILORGA、美甲有Sally Hansen、到彩妝仲有CLIO，在店內行一圈，髮型、妝容、指甲即刻大變身！