變成家人的負累？

「我一直覺得我有抑鬱症，係老公嘅負累，陪我覆診之餘，又要照顧對仔女……我覺得佢有時唔體諒我個病，我發佢脾氣，佢會唔出聲，當我好似傻婆咁發嗡風……」盧太患有抑鬱症多年，每次談及丈夫時，總會感到氣憤莫名。

「佢發緊脾氣，我出聲佢會話我駁嘴；我唔出聲，佢又話我當佢係傻婆。其實，我唔出聲唔代表我無心裝載呀！」盧先生每次陪太太見臨床心理學家，他總希望學習一些方法去處理太太的情緒波動。

「以前我都試過跌斷隻腳，要太太照顧大半年，係有麻煩佢，但唔係負累佢，佢話負累我係佢自己嘅諗法，我都無咁諗過……」

部分情緒病患者認為自己負累家人，希望尋死，令自己盡快離開世界，免得家人受累，這種一廂情願的負面想法，令家人感到委屈和無奈。要處理這些負面想法，宜先透過呼吸令自己抽離負面思想的纏擾，多從不同角度去觀察事物，而非靠主觀評價。例如盧太患有情緒病，需要丈夫陪覆診和情緒支援，並不代表丈夫會認為太太是一種負累。至於太太的情緒出現波動，盧先生選擇聆聽，並非沒有回應。

願意為對方付出的愛，是履行婚姻的承諾而不是負累。（本欄逢周三刊登）