渣打藝趣前奏 《魔笛》伴夜光木偶

聽渣打銀行香港公共事務處可持續發展主管黃家琪（Rita）講工作次次都四萬咁口，今次甜姐兒搞活動竟然話「想喊」，聽真啲是「感動到差點想喊」至啱。Rita講緊2013年渣打藝趣嘉年華首次「衝出維園」在街頭巡遊：「當時我第一身角度，望住Local artist揹起自己製作的大型燈籠木偶，途人目瞪口呆，巡遊完都唔捨得散去，最後大家掩護artist在路中心除低燈偶換衫，完成一刻感動到差點想喊。」

「加演一場」 街頭奏古典樂章

由渣打同香港青年藝術協會合辦的渣打藝趣踏入15周年，可以話係本港最大型免費街頭藝術盛事，除咗3,500位本港學生同專業藝術家，現場18個入場攤位，觀眾睇表演之餘，齊齊畫畫、music jam等，個個都係表演者。

黛安聽聞，近年夜光巡遊與壓軸巡遊成了重點節目，去年夜光巡遊在維園內舉行，但仍有市民擺烏龍在希慎廣場等地點等待木偶「出巡」。因此，今年除了下周六、日巡遊外，渣打與希慎合作「加演一場」，聽日喺銅鑼灣利舞臺、利園一期及希慎廣場舉辦「旋律色彩演奏會」，大家一邊聽本地新晉樂團FLYA現場演奏莫扎特《魔笛》、高沙可夫交響組曲《天方夜譚》（一千零一夜）等古典樂章，一邊欣賞夜光巡遊木偶。希慎企業傳訊助理總經理董彥鈞都話，演奏會傍晚6點半至7點半舉行，絕對唔可以錯過！