$589去兩次迪士尼

一年新開始，收到公關姊妹寄來手寫心意卡同迪士尼10周年紀念套裝，套裝包括10周年紀念幣，仲有專屬編號！

香港迪士尼樂園最近有多個新體驗，黛安上次去都睇唔晒全部表演，噚日收到公關姊妹好消息，樂園推「食買玩」優惠，2月2日前香港粉絲只需要$589，就可以指定期間暢遊樂園兩次，咁就有時間睇多兩次表演，多啲機會捕捉《星球大戰》白兵啦！今次優惠第一次入園遊玩可選1月11日至2月2日，第二次就可以係3月1日至4月28日期間任何一日。黛安聽講，迪士尼早已準備三月期間，有春日呈獻「A Happily Ever After Easter」復活節特備節目。大家除咗可以見到《大英雄聯盟》的醫神同埋《小公主蘇菲亞》的蘇菲亞，仲有好多娛樂項目陸續登場，係咪好期待呢？

講明「食買玩」，當然唔止以上優惠，「迪士尼處處拍+」、去指定餐廳用餐同購物都有九折優惠。如果在翠樂庭餐廳享用自助晚餐，大人同細路分別會有100蚊同50蚊優惠𠻹！姊妹仲話，今次首次讓賓客選擇升級做「奇妙處處通」會員，想upgrage做邊一張會員卡，補番差價就得！