沙煲罌罉變樂器 搞聲色味籌款晚宴

鑊鏟、煲蓋、匙羹等等加埋一齊，唔一定係煮嘢食，居於紐約的作曲家Fast Forward構想出結合藝術同食物演出《Feeding Frenzy》，將沙煲罌罉變成樂器，奏出激動人心一幕。觀眾由坐低開始，都變成音樂饗宴既一部分，但係唔到最後一刻，你都唔知食物係咩，夠晒神秘！

推廣聲音藝術組織「聲音掏腰包（Soundpocket）」同推廣音樂創作「現在音樂（CMHK）」合作，剛過去周末將演出帶來香港，係亞洲首次舉辦音樂籌款饗宴。活動有多位傑出音樂家、名人同米芝連星級廚參與，音樂家代表有表演敲擊樂嘅羅鎧欣、演出電子音樂嘅許敖山等，廚師組合則有「DayDayCook」創辦人朱嘉盈、桃花源小廚集團CEO黎宇文等，真係好熱鬧！