睇美食藝術展覽 學做絲網印刷攬枕

冰室、路邊攤，統統都係港人集體回憶，對本土飲食文化有興趣的朋友，依家可以去文化中心（即日至29/9）及香港喜來登酒店（30/9-15/10）睇下呢個「本土美食印記」藝術展，免費入場架！

為咗尋找美食的背後故事，香港青年藝術協會絲網印刷藝術家團隊Inkolize工作室，聯同土瓜灣故事館（土家）基層兒童等，上月走訪咗大街小巷，影低食物背後的人情趣味。展覽現場仲會教導以絲網印刷技術製作嘅格仔餅、雪糕等小食模版，印喺環保袋同攬枕，大家可以晚晚攬住瞓。