扮梳乎蛋「懶懶行」 爬上吹氣煙肉玩障礙賽

香港人日忙夜忙，收工懶洋洋，仲邊有心機做運動？「懶界之王」梳乎蛋（gudetama）就教路，做運動要懶到出蛋汁一啲都唔難，參加10月10號舉行的「gudetama Lazy Walk懶懶行2016」咪得囉，參賽者到時可在科學園專設的三大「懶懶閒」區域內，懶懶行石春路，再同巨型梳乎蛋玩障礙賽，跟住爬上巨型吹氣煙肉整「煙肉炒蛋」，到時自然香汗淋漓排晒毒啦！

今次懶懶行仲不設年齡限制，參加者只要畀395蚊就可參賽，4歲以下免費。參賽會送包括蛋殼cosplay衫同煙肉毛巾等7種法寶的運動包，要體驗「梳乎」精神完全無難度。