新型騙案︱九龍塘跑步男問女途人借衛生巾予女友 竟因1理由拒收 網民揭內情極恐怖：是慣犯！

細思極恐！近日，九龍塘疑出現新型拐騙案：有香港女生在網上發文指日前經過九龍塘住宅區，遇到一名跑步男問她借「M巾」給女朋友，詎料借出後對方竟因1理由拒收，感覺極可疑。對此，網民熱議驚呼「恐怖」，更透露當中內情，呼籲女性不要中計或跟去廁所，否則「可能回不來」。

同場加映：

Healthy Life｜堅守公院逾30載 首引24小時中風溶栓治療 方榮志醫生：救人無時限

{{hket:ul-video id="12342"}}{{/hket:ul-video}}

女事主於2025年12月30日在Threads發文，指途徑九龍塘住宅區時，有位「跑緊步」的男子走近，聲稱「佢女朋友喺前面突然間嚟M」，問她借「M巾」。事主不虞有詐，從手袋取出一塊「M巾」，但沒想到對方竟然拒收：

佢話呢隻唔係長款唔夠厚，唔啱用，唔要。

網民揭內情極恐怖：可能是慣犯

女事主大感奇怪，警覺男子「好鬼」：

突然間嚟M，邊個會理夠唔夠長，有得墊咩長度都要啦。

網民對此亦紛紛議論，認同該名男子非常可疑：「仲有時間揀三揀四？」、「佢識睇呢款唔夠厚都好得人驚」、「就算係女人都未必識，咁多款點知得晒。」、「真係急用的話有M巾都偷笑啦！」。

另有網民表示，該男子可能是「慣犯」，提醒事主小心受騙：「有機會係博你話冇M巾喺身，然後順勢話自己呢身裝束冇帶錢，問你借錢買」。更透露曾在九龍塘遇過一模一樣的經歷，結果被詐騙：

個男人話女朋友喺前方洗手間來M。結果：我被騙40蚊。

女事主對此驚訝回覆：「吓！原來係慣犯」，提醒大家平時要小心，「特別係女仔，借M巾都會俾人詐騙」。

勿輕信「幫忙送衛生巾」入廁所後果嚴重

還有更驚險一次，是有網民差點被騙到入廁所：「喺葵興附近，個跑步男人問我借M巾話佢女朋友嚟M流咗好多血，叫我跟佢去廁所我feel到唔對路即刻跑走咗！」、「如果同你講女朋友喺邊個廁所，問你可唔可以幫手拎畀佢，千萬唔好跟住去！」

多名網民指出，內地曾流傳有男歹徒求助獨自一人的女性「幫忙送衛生巾」騙案，真實目的超恐怖，呼籲女性小心：

之前睇啲短片有啲騙案類似咁樣，話自己女朋友喺廁所第幾格，叫人幫手拎M巾畀佢女朋友， 跟住個廁所係佢同伴嚟，然後整暈就捉走咗個女仔！

實際上，「幫忙送衛生巾」騙案在内地已頻繁發生。男歹徒會專門覬覦落單女生，上前尋求對方協助，稱女親友突然月經來潮，正躲於洗手間，詢問對方有否衛生巾借來應急。而女生通常會理解男性不方便進入女廁，不虞有詐地跟隨對方到遠處的洗手間。這時，男歹徒就會在途中伺機探聽女生個人信息，然後伺機打劫或性侵；對方甚至可能有同黨匿藏在廁所内接應，作出更多不軌企圖。

網上亦有流傳影片，教女性如何應對。呼籲女孩子若獨自一人在街上，切勿隨意相信陌生人的求助，甚至跟隨對方離開：

一時做好心，自己的人生就毀了。去了都有可能回不來！

如果真的想幫忙，可僅借出衛生巾，或指示對方到哪裏可購買衛生巾，或叫對方找其他人幫忙；唯獨記住切勿跟隨對方走，否則後果難以想象。