57歲前TVB綠葉王 幕前失控灑淚 曾發公開辭職信親揭「為錢回巢」真相

前TVB綠葉王、57歲陳國邦，近期因《尋秦記》電影版中再度演出「李斯」一角而人氣急升，他近日接受陳志雲的YouTube頻道訪問中，便罕有重提2015年向TVB發辭職「公開信」時不為人知的內情。

{{hket:ul-video id="12358"}}{{/hket:ul-video}}

2015年陳國邦於公開信中，長長的篇幅中曾寫道辭職原因:

我不想自己慢慢變作一潭死水，變黑發臭我要流動，我要充滿生命...。

57歲陳國邦近日接受陳志雲的YouTube頻道重提往事，透露當時正身在外國演出舞台劇《雙十星期二》，因為每日只做一場，有大量時間思考人生方向。他親述公開信出街前，已改動了多次:

封信我寫咗不下十封八封，改啲用詞，同做戲一樣有啲訊息表達得唔清楚，改改改。」

他又透露回港落機翌日已有TVB高層約他在私隱地方見面，又解釋信中刻意不提人名，就是不想任何人有壓力。但開信出街後，他即被恩師鍾景輝先生痛鬧

話我咁衝動做乜，得罪好多人，回想係有呢啲成份喺度。

親揭「為錢回巢」真相 

公開信出街後即引起哄動，惟陳國邦兩個月後迅速回巢，當時一度被人指是「為錢回巢」。對於回巢之說，陳國邦表示其實全靠毛舜筠（毛姐）的「欽點」，對方主動向曾勵珍（珍姐）提出希望與他合作。

我唔怕啲人話我食回頭草、輸咗，個過程話到畀我知，我（無綫）仲需要你，所以我覺得OK，兩邊都贏。

不過寫這封信的導火線，陳國邦承認際遇是主因：

如果我已經有喺無綫做主角機會嘅話，一定唔會衍生嗰封信，正因為自己際遇唔好，但又覺得自己唔錯，點解有咁際遇？

他指曾目睹一位自己很欣賞的前輩在片場催促大家收工而受到極大打擊：

「呢件事畀我鐘聲，我將來會否變成咁？我現好鍾意做戲。正如信中我唔知自己會去邊度，但我驚失去表演熱誠。」

多年來被稱為「綠葉王」，陳國邦表示其實都開心:

起碼我都不停有工作，不停有嘢做，綠葉都好過草吖，係咪？.....縱然我達唔到我自己所希望嘅一個位置，但係我都爭取到一啲認同。

節目中，陳國邦又分享了他的成長，自爆小時候家境困難，父親非常嚴苛，會將自己「打到跌喺條街度」；為了生計，賺取演藝學院的學費，曾試過24小時無間斷工作:

「凌晨四點起床整蛋撻賣麵包，中午在校洗碗，放學後到藝術中心做帶位，周六日再到超市落貨。

不過，當提及信仰的問題，陳國邦突然在鏡頭前激動灑淚：「點解個世界會係咁？！」他坦言難以解釋自己正在尋找什麼，並為激動情緒道歉。

入行多年從未當過TVB男一

現年57歲的陳國邦中學讀過金屬薄片工程課程，打造鑊鏟、水兜、垃圾鏟等，曾考獲全級第6名，精於數學科，本來想做一位工程師，欲報讀大學的機械、電子工程。但有次陳國邦見到演藝學院舉辦招生路演，讓他夢想變演員，1985年更投考香港演藝學院，入學首年已在劇團公開面對觀眾，就讀期間都參與不少電影電視工作。

1989年，陳國邦加入TVB，同時演過逾50部電影，可惜他在TVB從來未當過主角，即使等到2012年，靠《大太監》彭三順一角受網民力捧為「最佳男配角」熱門，最後仍不敵古明華。2013年，陳國邦在《名門暗戰》還是要做第4男主角。2015年，陳國邦發布「給無綫電視的公開信」表明已離開TVB。2015年12月，陳國邦因為參演《愛．回家之八時入席》而簽1年部頭合約，但翌年即堅定離巢，主力在藝術方面發展。

曾通波仔 全家移民泰國

陳國邦心臟一直有少許問題，入院做完通波仔手術後精神許多，他與老婆羅敏莊曾講過預期2022年移民泰國，已用300萬港元買了800呎大屋，又為陳禛選定曼谷貴族學校，希望一家人在當地享受退休生活。