隨著香港人口壽命延長及家庭結構逐漸縮小，越來越多「三文治世代」需要同時照顧年邁父母和年幼子女，承受著雙重的照顧壓力。現透過醫健通App的「我的家庭成員」功能，即可集中管理家中長者與子女的健康紀錄，減輕日常照顧負擔。
加入「我的家庭成員」 子女隨時隨地掌握父母健康
梁太的媽媽患有慢性病，需要定期前往醫院覆診和抽血檢查，並依靠藥物來控制病情。梁太回憶說︰「有次返娘家食飯，問起媽媽嘅病情同覆診時間，先發現佢因為怕我擔心，冇同我提起佢錯過咗覆診日子，亦唔知點先可以預約到下次覆診，而啲藥又差唔多食完。於是，第二日我即刻請咗半日假，用醫健通App嘅『搜尋醫生』功能，搵到屋企附近有一間參加咗『長者醫療券計劃』嘅私家診所，陪媽媽去睇醫生同拎藥，用埋剩餘嘅長者醫療券，真係好方便。」
為避免再次發生類似情況，梁太幫媽媽下載醫健通App，並將父母加入「我的家庭成員」。現在，她可以隨時查閱媽媽的各項預約及檢查紀錄。梁太更指導媽媽使用「健康管理」功能，記錄每日血糖、血壓數據，方便醫生跟進，而身為照顧者的梁太亦可隨時留意媽媽的健康數據。「醫健通真係好人性化，尤其係『我的家庭成員』功能，即使唔同住，都可以隨時了解到父母的健康狀況，非常安心！」
同樣需要照顧父母的梁生也分享︰「父母年紀大咗，經常忘記長者醫療券餘額，而家透過醫健通App內的『醫療計劃』功能，我哋都可以隨時幫佢哋查閱長者醫療券餘額同埋過去兩年嘅使用紀錄，真係好方便。」
為子女建立終身電子健康紀錄 守護子女成長每一步
除了協助父母管理健康，身為「三文治世代」的市民亦可為 16 歲以下的子女登記醫健通，並添加子女成為「我的家庭成員」。梁生梁太作為新手父母，親身感受到健康紀錄電子化帶來的便利。梁太特別推薦醫健通App內的「疫苗紀錄」功能，她一邊說︰「囝囝出世嗰頭兩年，就要接種超過十種疫苗。依家只需要打開醫健通App，就一次過睇晒囝囝嘅接種紀錄，仲可以睇埋預約紀錄，唔使再驚唔記得去打針。」
在「香港兒童免疫接種計劃」下，兒童由初生至小學六年級期間須接種不同種類的疫苗及加強劑，以預防乙型肝炎、百日咳、肺炎球菌感染、水痘等傳染病。父母可透過醫健通取覽該計劃下的相關疫苗紀錄，以應付不同的生活需要，既省卻紙本紀錄所帶來的不便，也可避免遺失的風險。
梁生補充︰「『兒童成長紀錄』功能亦都好好用，可以幫手記低小朋友唔同時期嘅身高體重，幫我哋追蹤囝囝嘅生長趨勢。如果發現生長速度異常，就可以即刻問醫生，唔使估估下！」父母亦能查閱有關兒童健康的資訊，例如︰嬰幼兒的營養攝取、母乳餵哺、如何理解成長數據等，幫助家長全面掌握子女發展需求。
醫健通App將繁瑣的紙本紀錄轉化為一站式綜合管理平台，重新定義健康管理模式，幫助「三文治世代」的市民更有效地照顧年長父母及年幼子女的健康。正如梁生所言︰「醫健通App唔止係一個工具，更係我哋嘅健康管家，輕鬆照顧一家大細嘅健康。」
（資訊）