愛回家丨熊樹仁金城安驚喜亂入新手機Game 引網上熱論：買勁少嘢又唔耐煩

《愛回家之開心速遞》呢套長青處境劇，經常都會以熱爆社會話題或者娛樂新聞作為劇本的題材，如《東張西望》何伯、新何太事件或者Cross-over電影《九龍城寨之圍城》等等，相當有趣，觀眾睇劇情抽水都睇得非常過癮。而《愛回家》演員由於太深入民心，當他們出現在其他劇集時，大家都認為他們「亂入」，近日Threads洗版式討論新手機Game，大部分人都話Game入面見到熊樹仁同金城安？

同場加映：樓下的貓丨FINALLY惡補唱功堅持推抒情歌 搞笑男團帶歡樂：感謝粉絲共享

{{hket:ul-video id="11088"}}{{/hket:ul-video}}

{{hket:inline-image name="jn.jpg"}}{{/hket:inline-image}}

近日，Threads用戶瘋狂討論一隻全新手機遊戲「MySuperStore」，其實是一款模疑經營便利店的遊戲，玩家需要入貨、收錢、訂貨、上架等等一腳踢，不過勝在畫面可愛，而且帶有人性化，所以吸引不少人Download。不過近日玩家們紛紛發現，Game入面驚見「熊樹仁」同「金城安」亂入，跟遊戲外的《愛回家之開心速遞》意外聯繫上，大家分享時幾乎清一色全部認同。

遊戲入面的「熊樹仁」是一位男客人，穿上長冷衫、架上黑色粗框眼鏡，加上髮型和表情，跟單立文在《愛回家》演的熊樹仁真的有9成9似，至於另一位青靚白深的男客人，有網友認為似周嘉洛飾演的金城安，亦有人認為較似許家傑飾演的送水輝。「我想講佢好似單立文」、「熊樹仁你好，請問有冇YUU」、「熊樹仁點解咁鍾意買橙」、「俾愛回家編劇睇到之後，就會拍番一場熊樹仁買橙戲」、「我都係咁話，熊樹仁成日嚟買嘢」、「好似呀，笑到癲咗！」、「「熊樹仁先生，成日都買漏嘢，啱啱買完，下兩個客又係佢，不如試下，一次過買嘢？」、「買勁少嘢又唔耐煩」、「找錢先衰格！個樣衰到」等等。

除了《愛回家》亂入之外，更有荷里活巨星《John Wick》的奇洛李維斯，由於「撞樣」引起話題，加上Threads洗版式討論，令不少網友都入坑Download，更笑稱玩到廢寢忘餐，不知道單立文、周嘉洛和許家傑有冇玩去會一會自己呢？

撰文：娛樂組