中年好聲音丨周國豐爆有女參賽者明冧張佳添 TVB開辦《中3》評審有新建議

張佳添先後為兩屆《中年好聲音》擔任評判的工作，因而人氣急升，近日他接受伍仲衡和周國豐主持的YouTube節目《週五有周伍》訪問，大談他的愛情觀，三位評判被問到《中年好聲音3》的建議時，三位都有不同的見解，未知節目組會否參考參考？

同場加映：中年好聲音2丨譚輝智為仔女做好榜樣追求成就 公開得獎感言：勿讓渺小顧慮成絆腳石

{{hket:ul-video id="10755"}}{{/hket:ul-video}}

{{hket:inline-image name="445360232_970541881425780_236701304860784838_n.jpg"}}{{/hket:inline-image}}

{{hket:inline-image name="445364618_973075677839067_9000831110491726315_n.jpg"}}{{/hket:inline-image}}

{{hket:inline-image name="445498472_972957611184207_6466538959789275897_n.jpg"}}{{/hket:inline-image}}

張佳添先後結過兩次婚，並育有兩個女兒，他坦言再次離婚後，已經對愛情觀有另一種看法，他說：「第二任女友成為妻子，拍咗三年幾拖，人生未經歷好多嘢就去結婚。」作為唱作人，張佳添坦言只試過三次為另一半作歌，一次是夏威夷為日籍女伴，另外兩次就是寫給兩位前妻，他說：「呢招唔會再用，我覺得我個人已經冇以前咁浪漫，唔想用呢招，其實冇招勝有招，唔使搞咁多嘢，最緊要啱傾同自然，來得自然亦去得自然，就算分手都唔會好戲劇嗰種嗌交。」

周國豐即時鬼馬笑笑口問：「咁你覺唔覺有參賽者鍾意你？我梗係知係邊個，不過唔開名，私底下同你講。佢唔止係嗰種純尊敬嘅感覺，而係真係傾慕...」張佳添回應說：「感覺到少少，不過我唔會諗，首先我唔會對參賽者做呢啲，永遠一視同仁就唔會有further action（下一步）。（淘汰完就搵你學唱歌？）有啲淘汰者會話學唱歌，但我feel唔到其他目的。」張佳添坦言自己風流不下流，離婚九年以來遇到的女伴有接近50位，他說：「有啲真係曇花一現，有啲甚至已經唔記得咗...雖然我同兩位前妻分手時唔係好和平，不過之後大家都做番好朋友，我有兩個女，18歲同11歲，我而家係怕個大女唔知幾時先拍拖，我唔想佢一拍拖就天昏地暗沉晒船，拍拖唔好拍死一個，（咁樣教個女，男仔好慘！）咁男人係要被女人害嘅過程中成長呀嘛...我鍾意女人，但更加鍾意自由！就算好鍾意對方，如果對方想結婚都會say no！經歷過兩段婚姻之後，我知道婚姻嘅發明同愛情係冇關係！」

{{hket:inline-image name="415290783_18412234744041611_9067301203084486151_n.jpg"}}{{/hket:inline-image}}

{{hket:inline-image name="428056503_915312397262146_1425070653650057779_n.jpg"}}{{/hket:inline-image}}

{{hket:inline-image name="361647321_257954253623914_8038168433507456799_n.jpg"}}{{/hket:inline-image}}

提到《中年好聲音》令幾位評判人氣急升，張佳添非常感恩，甚至遠赴加拿大時，連保安和司機都認出他，他跟周國豐和伍仲衡表示如果《中3》邀請的話，他們都樂意繼續擔任評判的工作，他們亦未知道賽制如何，會否接受專業歌手參加。伍仲衡建議羅力威參賽，周國豐說：「羅力威？佢肯唔肯呀？我懷疑佢唔肯囉！」

對於評判不時被罵，周國豐說：「製作人認為節目最緊要有人鬧！我想提提嘅係參賽者心態，參加任何比賽，心態好重要。有啲參賽者唔係想睇小佢，佢係冇可能贏到，聽完佢唱就覺得你死咗條心啦，但佢深信自己會贏，唔知係好事定唔好事，但呢份心態令佢覺得好痛苦。」而伍仲衡指：「好多參賽者個抗壓能力真係好低，有啲參賽者講一兩句就成個人謝咗，一係就唔順超！」至於賽制方面，張佳添認為賽制可以更精準，特別是計分方法，周國豐希望評判畀分數可以有小數位。張佳添說：「唔同集數唔同主題，對某啲參賽者真係未必太適合，好唔著數，尤其50強進入25強PK賽真係好慘，真係有好嘢會走漏，好講運氣，視乎有冇人揀你同埋幾時唱，我覺得可以modify少少。」

內容來源：https://www.youtube.com/watch?v=UK42R2W-EtQ&t=9089s

撰文：娛樂組