波希米亞（沒有）狂想曲│林奕匡冇限制方式教育BB自由成長 羨慕陳柏宇做「湊女KOL」一齊開工

由細到大，「循規蹈矩」是經常聽到的事。自自然然人就會跟著一條條界線而行，可能會失去自我思想。林奕匡近日推出新歌《波希米亞（沒有）狂想曲》，在講一個地方若沒有人鼓勵創新，人們變得做任何事都一式一樣、沒有加入狂想原素下，自己會否繼續帶著自由漂泊的波希米亞藝術精神，繼續Dream On，於心中哼出自己的狂想曲。

同場加映：中年好聲音2丨譚輝智為仔女做好榜樣追求成就 公開得獎感言：勿讓渺小顧慮成絆腳石

{{hket:ul-video id="10755"}}{{/hket:ul-video}}

{{hket:inline-image name="DSC05143.jpg"}}{{/hket:inline-image}}

{{hket:inline-image name="DSC05221.jpg"}}{{/hket:inline-image}}

林奕匡入行以來，讓人感覺溫文沉靜，早前宣傳歌曲接受訪問初，自然在藝術的感性和科學理的理性上，自己會偏向較理性。他是一位唱作人，跟不同監製和音樂人討論過，都覺得音樂作品上，都需要有框架，有基礎旋律、然後加以自己的演繹才可以成為作品。

{{hket:inline-image name="2.png"}}{{/hket:inline-image}}

{{hket:inline-image name="saxyphil_1716820385_3377256635516391051_3045200.jpg"}}{{/hket:inline-image}}

不過循規蹈矩的林奕匡，都有試過幻想，在自己的音樂會上，來一些瘋狂的表演，他笑言：「有時做創作會比較拘謹，但做歌手表演時可以放鬆啲，我好仰慕其他歌手有crazy感，好似Lady Gaga ，本身唔係咁樣，但有破格演出，令大家去睇佢個騷，唔使收埋心魔，呢個係佢對大家嘅貢獻。如果我道行高啲，都想有次徹底做到視、聽覺上好瘋狂效應，要有釋放不顧忌嘅破格演出。」

{{hket:inline-image name="saxyphil_1661693499_2914818791395063374_3045200.jpg"}}{{/hket:inline-image}}

{{hket:inline-image name="saxyphil_1693313692_3180068196036812115_3045200.jpg"}}{{/hket:inline-image}}

在大舞台上，暫時未有外來刺激能夠激林奕匡內心的小宇宙，但他拍攝歌曲MV就受了輕微「刺激」，而爆發力量，亦認同歌手可以不妨在表演時，跳出框框去表演，他說：「MV後半斷畫面一轉，就有一班人向我掟雞蛋，佢哋係真掟埋嚟，預咗少少辛苦，但比想像中難。為咗表達迎來不同衝激，導演要我有嘢飛埋嚟都面不改容，唔可以避，但總會有差錯，綵排掟百幾粒假蛋，仲試過掟喺腳背上面，好痛呀! 不過就係因為咁，拍嗰陣我豁咗出去，尾段唱歌嗰度我真唱，就係要有少少癲癲地，先會衝破到自己本身性格。」今次MV還邀請到前輩姜大衞合作，林奕匡興奮地謂覺得前輩演技一流，自己從旁好好學習。

{{hket:inline-image name="40.jpeg"}}{{/hket:inline-image}}

即將在8月做爸爸的林奕匡，覺得要生活檢點，改掉以往不睡覺作曲、工作的習慣，準備迎接小生命來臨，與太太一起湊BB。自己為人理性，會較守規則，反而他不想限制BB的想法，會讓將來出世的小孩有自由選擇做喜歡做的事：「我做呢行， 生活作息時間不定，自己唔介意，但唔想BB將來同我一樣咁辛苦，想佢有穩定生活。但唔想乜嘢都安排晒畀佢跟住行，等佢大啲時候自己摸索。以前父母做好晒安排，有啲規劃晒條路向，反而會令小朋友遲咗了解自己，我到30歲左右先搵到自己需要啲乜。所以等BB大啲有自己想法，錫佢都唔代表乜都畀佢，等佢自己搵個方法去面對世界。」

同屬一間唱片公司的陳柏宇已經是兩小孩的父親，他工作和家庭生活取得平衡，早上必定陪囡囡食早餐，而且日日直播跟網民互動，成功索造「早餐爸爸KOL」。林奕匡亦很羨慕對方，可以兼顧到照顧家庭，他說：「我好Admire佢呢樣嘢，我覺得一個人做爸爸之後，真係要負起好大責任。而且做一個好爸爸真係唔容易，我都想可以帶佢周圍去，有時都想帶佢去錄音，真係要到時先知自己敢唔敢做，但一定唔會帶BB去旅行，太細個，搭飛機佢辛苦、做大人負責照顧都辛苦，而且最慘係搭飛機周圍嘅人都要一齊受，有時機艙入面喊，真係全機人都好辛苦。」